Ata 810 novos contaxios rexistráronse nas últimas 24 horas, o que levou ao área sanitaria de Pontevedra e O Salnés a pasar unha nova barreira, a dos 9.000 casos activos. Hai nestes momentos 9.175 persoas infectadas con covid-19, 267 máis que onte.
Os ingresados nos tres hospitais da área sanitaria son 83, dous máis que este mércores, dos cales sete se atopan na unidade de coidados críticos de Montecelo.
A maiores, atendidos en planta hai outras 76 persoas. Hai 62 en Montecelo, doce no Hospital do Salnés e dous no QuirónSalud Miguel Domínguez de Pontevedra.
O resto dos que contraeron o virus, outras 9.092 persoas, atópanse illadas nos seus domicilios e baixo supervisión médica, ao ser asintomáticos ou ter pouca sintomatoloxía.
Desde o inicio da pandemia 33.224 pacientes da área sanitaria superaron a covid-19, 543 nas últimas 24 horas, e rexistráronse 239 falecementos asociados ao virus.
En canto á realización de probas PCR, fixéronse na área sanitaria de Pontevedra e O Salnés un total de 379.633, 623 nas últimas horas. A elas súmanse as 206.618 probas de antíxenos e outras 118.067 probas de detección da covid-19.
INCIDENCIA EN GALICIA
O número de casos de coronavirus en Galicia, pola súa banda, é de 77.236, 1.275 máis que o día anterior. Deles, 15.852 son da área da Coruña, 7.888 da de Lugo, 8.183 da de Ourense, 9.175 da de Pontevedra, 20.407 da de Vigo, 11.755 da de Santiago e 3.976 da de Ferrol.
Do total de pacientes positivos, 49 están en UCI, 539 en unidades de hospitalización e 76.648 no domicilio. Por agora, en Galicia hai un total de 278.447 persoas curadas, rexistrándose 2.861 falecementos.
Desde o inicio da pandemia realizáronse en Galicia 3.486.009 probas PCR, 6.870 nas últimas 24 horas. Os novos casos abertos desde onte, que inclúen os autodiagnósticos con antígenos, foron 6.649.