O departamento de Mobilidade da Deputación de Pontevedra realizará actuacións de calmado de tráfico e de sinalización horizontal en alomenos 33 estradas de titularidade provincial na comarca do Salnés. Así o explicou este xoves o deputado de Mobilidade, Uxío Benítez, quen presentou na Illa de Arousa o Plan de Mobilidade e Velocidade Segura (MÓVESE) para a zona que, xunto coa actuación de pintado de estradas, ascenderá a 653.412 euros.
No caso do Salnés instalaranse 35 pasos de peóns elevados (coñecidos como lombos) e 42 redutores de velocidade nos concellos de Sanxenxo, A Illa de Arousa, Ribadumia, Vilanova de Arousa e O Grove, cunha inversión de 523.480 euros.
A esa cifra hai que sumar tamén 129.92.36 euros que se investirán en mellorar a sinalización horizontal nos concellos de Cambados, O Grove, Sanxenxo, Meaño, Meis, Ribadumia, Vilagarcía e a Illa de Arousa.
Para a comarca do Salnés a empresa responsable é Construcciones, Obras y Vías, S.A. (COVSA) e comezará as actuacións logo de presentar a correspondente acta de replantexamento das obras, é dicir, de xeito inmediato.
LISTADO ACTUACIÓNS SEGURIDADE VIARIA EN ESTRADAS
- Cambados
- 9002 Fefiñáns-Oubiña: pintado
- 9003 Variante Cambados: pintado
- 9004 Corbillón-Tragove: pintado
- O Grove
- 9101 O Grove-San Vicente: dous pasos de peóns sobreelevados (lombos)
- 9102 Acceso mirador Siradella: pintado
- Sanxenxo
- 9201 Sanxenxo-Bordóns- Samieira: catro pasos de peóns sobreelevados (lombos) e dez redutores físicos de velocidade
- 9202 Nanín-Igrexa Bordóns: pintado, dous redutores físicos de velocidade
- 9203 Padriñan-Laxe: dous redutores físicos de velocidade
- 9205 Sanxenxo-Meaño: pintado, tres pasos de peóns sobreelevados (lombos) e un redutores físicos de velocidade
- 9206 Portonovo-Vichona: catro pasos de peóns sobreelevados (lombos) e oito redutores físicos de velocidade
- 9207 Vichona-Dena: pintado, dous redutores físicos de velocidade
- 9208 Noalla-Aios: pintado, sete redutores físicos de velocidade
- 9209 C550-igrexa Vilalonga:dous pasos de peóns sobreelevados (lombos)
- 9210 Acceso a Roxique: un redutor físico de velocidade
- 9211 Vilalonga-Fianteira: un redutor físico de velocidade
- 9212 Noalla-Praia da Lanzada: pintado, tres pasos de peóns sobreelevados (lombos)
- 9213 A Granxa-Dorrón: catro redutores físicos de velocidade
- Meaño
- 9302 Xil-Cobas- Barrantes: pintado
- 9303 Meaño-Dena: pintado
- Meis
- 9402 Mosteiro-Barrantes: pintado
- 9403 Igrexa Paradela: pintado
- 9405 San Martiño-Armenteira- Busto: pintado
- 9407 Goulla-Porráns: pintado
- Ribadumia
- 9501 Ribadumia-Grenla: dous pasos de peóns sobreelevados (lombos)
- 9503 Sisán-Padrenda: pintado
- 9510 Cabanelas-Pontearnelas: pintado
- 9305 Coirón-Ribadumia- Leiro: un paso de peóns sobreelevado (lombos)
- Vilagarcía de Arousa
- 9601 Vilagarcía-Cea- Castrogudín: pintado
- Vilanova de Arousa
- 9701 Baión András: un paso de peóns sobreelevado (lombos) e dous redutores físicos de velocidade
- 9702 As Sinas-Vilanova: un paso de peóns sobreelevado (lombo)
- 9703 Vilanova-Pontearnelas: un paso de peóns sobreelevado (lombo) e un redutor físico de velocidade
- Illa de Arousa
- 9802 Estrada As Aceñas: pintado
- 9803 Embarcadero-centro: pintado, nove pasos de peóns sobreelevados (lombos) e un redutor físico de velocidade