Cun acto de benvida, un total de 33 estudantes de sexto curso de Medicina comezan este luns 11 de setembro a súa formación práctica no Complexo Hospitalario Universitario de Pontevedra.
Este grupo de estudantes rotarán por diferentes servizos especializados dos hospitais Montecelo e Provincial de Pontevedra; do centro de especialidades de Mollavao e do centro de saúde da Parda.
Trátase do noveno ano que os centros sanitarios pontevedreses imparten esta formación completa a alumnado da Universidade de Santiago de Compostela.
Nesta xornada foron recibidos pola directora asistencial da área sanitaria, a doutora Susana Romero Yuste; o presidente da comisión de Docencia de Pontevedra e O Salnés, o doutor Luís Anibarro García; e a xefa de estudos de Medicina Familiar e Comunitaria, a doutora Teresa Jorge Moura.