Escrutado o cen por cen dos votos na vila de Caldas de Reis, a sorpresa na localidade termal deuna o sorpasso do Partido Popular, que se converte na lista máis votada, sobre o PSdeG-PSOE.
Dos 13 concelleiros que forman a corporación, o PP de Fernando Pérez logra 6 representantes (un máis con respecto aos comicios de 2019), o PSdeG-PSOE do actual alcalde Juan Manuel Rey un total de 5 edís (baixa un concelleiro con respecto a 2019) e o BNG de Manuel Fariña suma 2 concelleiros, os mesmos ca nas anteriores municipais de 2019.
Os concelleiros obtidos polo PP non son suficientes para gobernar, xa que a maioría absoluta sitúase nos 7 concelleiros.
Neste sentido, agárdase que o PSdeG-PSOE pacte co BNG para revalidar a alcaldía do socialista Juan Manuel Rey, rexedor de Caldas de Reis dende 2006.
Desglosado por número e porcentaxe de votos, nestas eleccións de 2023 o PP acadou 2.618 votos e unha porcentaxe do47,61% (en 2019 sumaba 2.225 votos e un 39,79 % de porcentaxe).
O PSdeG era respaldado por 1.963 votos e unha porcentaxe do35,70% (en 2019, foran 2.396 votos e unha porcentaxe do 42,85 %).
Por último, o BNG obtiña 837 votos e unha porcentaxe do15,22%.