O alumnado do Colexio Rural Agrupado (CRA) de Vilaboa sumouse este venres ao berro unánime desde 25N contra a violencia machista.
No día previo ao 25 de novembro, Día Mundial para a eliminación da violencia contra a muller, o alumnado e o seu profesorado acudiu ao Café Moderno de Pontevedra para visitar a exposición 'Picasso protagonista. Viñetas no cómic español contemporáneo'.
Con motivo desta visita, as nenas e nenos das cinco escolas do CRA despregaron carteis e pancartas na praza de San Xosé e berraron xuntos contra a violencia de xénero: 'Vilaboa sen violencia'.
As nenas e nenos das escolas de Barciela, Bértola, Figueirido, Paredes e Pousada elaboraron os carteis coas súas mestras reflexionando e elixindo cada elemento gráfico e textual, de maneira que xa a preparación previa do material serviu para a concienciación do alumnado contra a violencia machista.