O alumnado do CEIP de Carballedo protagonizou os actos organizados polo Concello de Cerdedo-Cotobade para conmemorar o 25 N, Día Internacional pola Eliminación da Violencia contra as Mulleres.
Pasadas as once da mañá, aproveitando a tregua que concedeu a choiva, o alumnado realizou a andaina dos superheroes. Camiñou dende o CEIP de Carballedo ata o Consistorio.
Xa ao mediodía, fixeron entrega dos escudos dos superheroes para o mural que se pintou en contra da violencia sobre as mulleres.
Os actos do 25N incluíron o despregamento dunha pancarta.
A concelleira Maite Pichel deu lectura a un manifesto.
Por último, o alcalde, Jorge Cubela, dirixiuse ao alumnado que se reuniu no Centro Cultural Antonio Fraguas e agradeceulle o seu compromiso con esta causa.
Cubela incidiu na importancia do labor de prevención e denunciou todo tipo de violencia exercida contra as mulleres.