Radio Cerna 05feb2018

Os ríos galegos serán analizados e observados a partir deste ano por un novo órgano consultivo, o Observatorio Galego dos Ríos. Un ente impulsado pola Xunta de Galiza para recoller información, analizala e poder asesorar aos órganos executivos sobre as ameazas, os impactos, ou o estado de conservación de todos os ecosistemas fluviais do noso territorio. A directora xeral de Patrimonio Natural, Ana María Díaz, danos máis detalles sobre a funcionalidade desta nova ferramenta de consulta, cuxa primeira encomenda será a de elaborar o Plan Director dos Ríos Galegos.