Radio Cerna 04abr2018

O 85% da enerxía que consume o conxunto da humanidade procede de fontes fósiles, especialmente do petróleo. Pero xa sobardamos o teito de extracción do petróleo, o cénit do gas natural está próximo e o carbón haberá que desbotalo para enfrontarnos á mudanza climática. Estamos en crise, segundo o profesor de Economía Aplicada da USC e exdirector do INeGA, Xoán R. Doldán, e o futuro pasa pola transición cara a outro modelo económico e enerxético. Neste espazo resumimos a palestra do experto nas xornadas sobre Enerxía e Clima celebradas hai uns días na Deputación de Lugo.