A playlist de...#58: David Sueiro

Reside en Vila de Cruces, lugar de orixe dos seus pais e onde acudía coa súa familia as fins de semana e vacacións; o resto do tempo da súa infancia e mocidade - ata os 21 - residía en Moaña, lugar do que mantén moi bo recordo. Recibiu e interiorizou o amor polo rural, e aí creouse o seu futuro. É propietario da empresa "Galo Celta" e comezou un periplo televisivo por mor da súa participación no reality "Granjero busca esposa", o outro amor que de momento, parece que se lle resiste.