A Federación Española de Tríatlon confirmou aos seus equipos de categoría elite para o ITU Multisport Festival, os campionatos do Mundo que se celebrarán en Pontevedra entre o 27 de abril e o 4 de maio.
Neles, tal e como se prevía tras a preselección de hai uns meses, hai unha importante presenza de deportistas locais, que pelexarán por obxectivos ambiciosos especialmente no mundial de tríatlon de longa distancia.
Nesa proba, prevista para o día 4 de maio, competirán dentro do equipo nacional Pablo Dapena, en busca de revalidar o seu título, e Javier Gómez Noya en categoría masculina e tamén Saleta Castro, actual subcampioa nacional da distancia, na feminina. Ademais na convocatoria figura o tudense Gustavo Rodríguez xunto a Albert Moreno, Ander Okamika, Gurutze Frades, Anna Noguera, Judith Corachán e María Pujol.
Nos que respecta ao dúatlon figura dentro do equipo nacional Joselyn Brea, atleta venezolana afincada desde hai anos en Pontevedra. O resto do equipo español estará composto por Irene Loizate, Marío Varo, Sonia Bejarano, Emilio Martín, Antonio Benito, Cristóbal García, Javier Martín e Luis Miguel Martín en elite; María Pintanel, Tania Álvarez, Carlos Oliver e Sergio Correa en idade Sub-23; e Laura Durán, Natalia Hidalgo, Ángel Sánchez e Sergio Baxter en júnior.
Por último en tríatlon cros os equipos españois elite estarán formado por Laura Gómez, Rocío Espada, Rubén Ruzafa, Kevin Tarek Viñuela e Camilo Puertas.