Neste primeiro día de campaña, o Partido Popular volveu a enarborar a bandeira contra o "cierre drástico" de rúas que, á súa entender, está a preparar o BNG para o próximo mandato. Fixérono apelando ao "fracaso" que supuxo o peche de Raíña Vitoria.
"Que se sepa lo que quiere hacer el BNG", sinalou o candidato popular, Rafa Domínguez, que advertiu do intento do equipo de goberno, encabezado polo alcalde, Miguel Anxo Fernández Lores, da súa intención de "recrear muchas Reinas Victorias" por toda a cidade.
Todo parte, segundo Domínguez, dos plans do á nacionalista do executivo municipal para "cerrar el puente de A Barca", obxectivo para o que segundo o líder do PP está a deseñarse unha operación que afectaría a todo o eixo entre Paseo de Colón e Eduardo Pondal.
A este respecto, o candidato do PP á Alcaldía esixiu a retirada "inmediata" dos dous sinais que existen na rúa Alameda indicando que é un vial reservado a residentes e servizos, indicacións colocadas hai máis de oito anos.
"No tiene mucho sentido que estén ahí", apuntou Rafa Domínguez, que recoñeceu que a pesar da existencia destes sinais "no se ha multado en exceso" aos condutores.
O próximo 28 de maio, reiterou Domínguez, os pontevedreses terán que decidirse por "dos modelos", o seu compromiso por reabrir Reina Vitoria e manter o tráfico en todo este ámbito urbano ou a opción de "avanzar en nuevos cortes selectivos" por todo o municipio.
Esta segunda opción, segundo denunciou o candidato do PP, provocaría que barrios e parroquias queden "dispersados y separados artificialmente", dificultando o acceso dos veciños a todo o centro urbano.