O coronavirus marcou este ano, se non todo o traballo, si as condicións e limitacións para seguir coa programación de PontevedraViva Radio. Ademais dunha pausa temporal obrigada polo confinamento domiciliario, o procedemento das gravacións en estudo modificábase ao levantarse as iniciais férreas medidas sanitarias. Menos presencialidad e maior uso de ferramentas telemáticas.
Así, o número de persoas en estudo continúan limitadas a tres, o que impide polo momento ampliar a participación en programas como as Conversas na Ferrería, ou imposibilita as visitas de escolares que anos anteriores adoitaban ser frecuentes a esta redacción e estudo de radio. Do mesmo xeito, antes, durante e despois das sesións de gravación adóptanse e manteñen unha serie de medidas hixiénico-sanitarias de prevención de riscos.
Con todo, a programación durante este exercicio que conclúe, incorporou á súa grella novos programas como Mentres isto dure, que como non podía ser doutra forma, achega esas 'novas realidades' que se instalaron coa covid-19. Limitadas polo momento en continuidade, tamén se presentaron as Historias a destempo; que recuperan para o formato podcast, relatos sobre lugares ou personaxes particulares a través do tempo.
Da man de Subterránea Radio, redifundimos o seu programa Fila9 Podcast, Fernando Pastor, Nacho Muñoz, Javier Cano, José Antonio Ruiz, Pablo Viñegra, Eden Garrido, Mª José Serrano, Rubén Torrejón, David Pintos y Ricardo Hernández achegan diversión en torno ao cinema e as series. A presenza en IVOOX de PontevedraViva Radio engade visibilidade e consumo dos seus podcast entre usuarios que buscan a través desta canle contidos de audio. Contidos como os que ofrece Podcans, que segue sumando 'podcaneros' para aprender a facer felices ás súas mascotas co educador canino Diego Álvarez.
Agardamos un 2021 que vaia recuperando esa ansiada normalidade, tanto sanitaria como económica e poder poñer marcha outros proxectos previstos que sigan facendo crecer en contidos e seguidores a oferta, en streaming e podcast, de PontevedraViva Radio.