Música de Bandas, o ciclo que achega á cidadanía as actuacións en directo deste tipo de formacións musicais, formará parte de novo da programación das Festas de Verán de Pontevedra. Haberá cinco actuacións musicais entre os meses de xullo e agosto.
Os dous primeiros concertos estiveron protagonizados pola Banda de Música Xuvenil de Salcedo e a Banda Escola Unión Musical de Tenorio na Alameda (sábado 6) e polo Coro Thalassa de Marín Coral de Soutomaior e a Coral Polifónica de Salcedo no Teatro Principal (domingo 7).
O sábado 13 de xullo será a quenda da Agrupación Musical de Goián e da Banda de Música de Salcedo, que actuarán ás oito da tarde na Alameda.
As outras dúas actuacións serán xa no mes de agosto.
Ambos estarán protagonizados pola Banda de Música de Salcedo, que actuará o venres 2, ás oito da tarde, na Praza dos Irmáns Pazó; e o 23 de agosto, ás nove da noite, na Praza de José Martí.
Ademais deste ciclo de Música de Bandas, as Festas de Verán de Pontevedra volverán apostar polas Xornadas Musicais de San Roque. Será do 29 de xullo ao 2 de agosto.
Cinco son os concertos que se incluíron na programación deste ano.
Luns 29: Grupo A Xaiba
Martes 30: Grupo Son das Corvaceiras
Mércores 31: Coral Voces Amigas de Moraña
Xoves 1: Orfeón Pontis Veteris
Venres 2: Banda de Música de Salcedo
Todos os concertos serán ás oito da tarde na Praza dos Irmáns Pazó.