O programa de actividades solidarias en Ponte Caldelas coa intención de axudar aos afectados polos incendios forestais completarase cunha proba deportiva.
Será o último domingo de xaneiro, día 28, cunha carreira de orientación deportiva dirixida a familias e persoas que queiran gozar dunha xornada de diversión co aliciente de colaborar cunha causa solidaria, segundo explica o goberno local.
A carreira está pensada para equipos de catro deportistas, tendo como límite de inscrición os 65 equipos e as 260 persoas.
Será un evento non competitivo que arrincará ás 11:00 horas e concluirá ás 16:00 horas, tempo no que os participantes deberán completar as probas nas estacións de actividade e o percorrido obrigado polas balizas.
A inscrición terá un custo de 5 euros e pode formalizarse a través da web de Galaicaventura.