O Club Natación Galaico prepara xa a súa participación nun dos principais eventos do tramo final de ano, o LXVII Campionato de España Absoluto de Inverno.
A gan competición nacional en piscina curta terá lugar do 14 ao 17 de novembro en Madrid.
En total participarán 718 nadadores de 138 clubs, entre os que se atopan tres deportistas do club pontevedrés.
Trátase de Antía García, Julia Rodríguez e Rosalía Soler.
As tres tomarán a saída en diferentes probas.
Antía García está inscrita no 50 Libre, o 50 Bolboreta e o 100 Libre.
Julia, pola súa banda, competirá nos 200 Braza, os 200 Estilos e os 200 Bolboreta.
Por último, Rosalía Soler participará nos 50 Costas, 100 Costas, 50 Bolboreta e 100 Bolboreta.