A Sociedad Deportiva Teucro caeu este sábado fronte ao Balonmán Ingenio nun partido de altibaixos.
Os visitantes arrincaron o partido de maneira fulgurante, pondo unha distancia de 2-7 no marcador aos cinco minutos de xogo.
Con todo, a reacción do Ingenio, liderada por Michael Martín e Armando Santana, non se fixo esperar, e os canarios lograron empatar cando se alcanzou o ecuador da primeira parte (9-9).
A igualdade mantívose durante varios minutos, pero o conxunto local logrou abrir unha pequena brecha no marcador e pechou o primeiro tempo cunha vantaxe de dous goles (16-14).
Despois do paso polos vestiarios, o Teucro tentou recuperar a boa dinámica do arranque do choque para reducir distancias, pero os canarios non llo permitiron e seguiron ampliando a renda até os catro goles (21-17).
Irene Vilaboa pediu tempo morto e os seus xogadores volveron conectar co partido para recortar distancias nun gol, pero a inercia positiva pronto desvaneceu e o Ingenio volveu tomar a dianteira para non soltala e levar o triunfo por un contundente 32-26.
Consulta as estatísticas neste enlace