Xornada redonda para Támara Echegoyen e Berta Betanzos no terceiro día de regatas clasificatorias dos Xogos Olímpicos na clase 49er FX de vela.
A regatista pontevedresa e a súa compañeira asaltaron o liderado cando só quedan catro mangas por disputarse, tres de clasificación e a definitiva Medal Race do próximo venres.
Echegoyen e Betanzos rozaron a perfección nunha xornada na que asinaron un cuarto posto na primeira manga e dous triunfos parciais nas outras dúas regatas do día.
Eses resultados fanas ascender desde a cuarta praza que ocupaban ata a primeira, con 30 puntos, polos 34 das neozelandesas Alex Malone e Molly Meech e os 35 das brasileiras Martina Grael e Kahena Kunze, segunda e terceiras respectivamente.
Ademais contan con nove puntos de renda sobre a cuarta praza e encaran con claras opcións de medalla o tramo final da competición olímpica.