A Asociación Veciñal Salcedo Norte inicia a conta atrás para un dos seus eventos destacados, dentro da tradicional programación festiva destinada no principio do ano na honra a San Brais.
Un ano máis, e son a XIII edicións, celebrarase a Carreira Pedestre de San Brais como un dos primeiros eventos deportivos do ano no municipio.
A proba deportiva terá lugar o domingo 26 de xaneiro, na contorna do centro comercial de Salcedo.
Os deportistas sénior e veteranos afrontarán un percorrido de 6.615 metros con saída e meta no centro comercial. Será a partir das 12.30 horas da mañá.
Antes, desde as 11.00 horas, disputaranse tamén carreiras nas categorías chupete, pitufos, benxamín, alevín, infantil, cadete e xuvenil.
O prazo de inscrición para participar na XIII Carreira Pedestre de San Brais permanecerá aberto até as 23.59 horas do día 19 de xaneiro ou até completar as cotas de participantes.
Como xa é tradición, ao termo da competición ofrecerase unha chocolatada a todos os asistentes.
Ademais se sorterarán lacóns entre os participantes das categorías de maiores.