O Concello de Poio e o Poio Pescamar acaban de renovar o acordo de patrocinio do club conserveiro para a tempada que se atopa en marcha, a 2020/2021.
Trátase dunha liña directa de axudas que ofrece o goberno local a entidades e deportistas que compiten ao máximo nivel, e da que tamén se benefician por exemplo o Balonmán Poio Artai ou o piragüista Sergio Vallejo.
Na firma do convenio estiveron presentes o alcalde, Luciano Sobral, a edil de Deportes, Marga Caldas, e o presidente do Poio Pescamar, Juanjo García.
Tras o acto os representantes do goberno municipal destacaron o "gran labor, traballo e esforzo" realizado pola entidade deportiva, especialmente nunha tempada como a actual coa dificultade engadida da situación sanitaria, o que non lle impediu competir ao máximo nivel.