A Sociedad Deportiva Teucro empezou o novo ano no Pavillón Municipal cunha gran vitoria ante o Culleredo por 33-29. Dani Vicente, con 9 goles, foi o mellor xogador do equipo local.
O equipo pontevedrés saíu con intensidade e abriu o marcador cun 3-0 inicial, pero o conxunto visitante repúxose e reduciu diferenzas para colocarse a tan só un gol do empate (5-4).
A resistencia do Culleredo aguantou durante os primeiros 20 minutos nos que seguiu moi de preto a un Teucro que enseguida meteu a directa para romper o partido e alargar a diferenza para enviar o duelo ao descanso cun resultado de 19-13.
Os xogadores de Irene Vilaboa saltaron á cancha despois do paso polos vestiarios coa mesma intención que na primeira e continuaron dominando en todas as facetas ata chegar a colocarse cunha renda de 10 goles (29-19, min. 17).
Cos deberes xa feitos, o Teucro baixou os brazos nos últimos instantes, nos que o Culleredo aproveitou para empuxar e maquillar o resultado final (33-29).
Consulta as estatísticas nesta ligazón