A Epic Race Pontevedra de BTT chegou este ano á súa terceira edición.
En contraste coas malas condicións da proba do pasado ano, esta fin de semana, os preto de 200 participantes tiveron que suar a pinga gorda, por mor das altas temperaturas, para completar os 550 quilómetros da carreira. Con, ademais, 13.000 metros de desnivel positivo acumulado.
Moraña, Vila de Cruces, Meis, Pontevedra, Ponte Caldelas, Ponteareas e, de novo Pontevedra, son os lugares que visitaron os valentes sobre a bicicleta desde o venres ata a chegada á liña de meta.
Cun máximo de 51 horas para completar o traxecto, nada máis e nada menos que 30:55:51 bastáronlle ao grupo 3AG Esqueiro, formado por Jorge Abeal, Ginés Cousillas, Adrián Moreira y Adrián Gómez, para terminar o complicado reto polos sete municipio da provincia das Rías Baixas. Todo un exemplo de dedicación e superación.
Ademais, o sábado tivo lugar a saída da carreira reducida, a Half Epic Race. 270 quilómetros, con 6.700 de desnivel positivo acumulado, nos que Sergio Fernández colocouse a medalla de campión, seguido por Mario Miguéns e, en terceira posición, Miguel Landon.
Consulta as clasificacións da Epic Race y Half Epic Race 2019.