A localidade francesa de Pont-Château acollerá a próxima fin de semana (4 e 5 de novembro) o Campionato de Europa de Ciclocrós, evento que en 2024 desembarcará en Pontevedra e cara ao que mira con atención a Boa Vila.
Ademais de pola parte organizativa, o ciclismo pontevedrés contará cunha importante presenza dentro da Selección Española que competirá nas diferentes probas.
Dúas ciclistas de feito tomarán a saída o sábado ás 11.00 horas na carreira júnior feminina. Trátase de Lorena Patiño (XSM de Marín), dominadora no arranque de tempada na Copa de España, e de Aroa Otero (Supermercados Froiz).
Ademais o propio sábado (13,30 horas) competirá Miguel Rodríguez (Froiz) na carreira sub-23 masculina, e o domingo á mesma hora fará o propio Laura Mira (Farto) na proba sub-23 feminina.