A actividade non cesa na piscina olímpica do Complexo Deportivo Rías do Sur de Pontemuíños, onde tras a celebración da Europa Cup de waterpolo este domingo tomou a testemuña o Campionato de España Infantil de Natación de Inverno.
Baixo un gran ambiente, con cheo nas bancadas, a competición organizada polo Club Natación Galaico co apoio da Real Federación Española de Natación e o Concello levantou o pano cunha xornada que serviu para quentar motores.
Durante a tarde do domingo disputáronse só as probas de 1.500 libre masculina, 800 libre feminina e as remudas 4x100, pouco comparado co intenso programa competitivo previsto ata o vindeiro mércores 28 de marzo a ritmo de dobre sesión, mañá e tarde.
No Campionato de España Infantil compiten estes días 511 nadadores e nadadoras de 186 clubs de todo o territorio nacional.