Despois dunhas primeiras semanas de preparación que se desenvolveron principalmente en Xeve, ademais dalgunha sesión puntual no Estadio Municipal de Pasarón, o Pontevedra Club de Fútbol mudouse este martes a unha nova sede.
O primeiro plantel granate exercitouse no campo municipal da Seca, en Poio, escenario que foi habitualmente utilizado as últimas tempadas.
O campo da Seca gusta a futbolistas e corpo técnico polo bo estado do terreo de xogo pero tamén polas súas dimensións, moi parecidas ás de Pasarón.
Non é de estrañar por tanto que Poio se termine convertendo na sede habitual de preparación para o Pontevedra, tendo en conta que o estado do céspede de Pasarón desaconsella que se celebren adestramentos de maneira asidua para reservalo para os compromisos oficiais.
Polo momento o primeiro planten granate ten previsto exercitarse polo menos durante toda esta semana (xoves e venres) nas instalacións do municipio veciño.