Tristeza no seo do Pontevedra Club de Fútbol polo falecemento da nai do adestrador do primeiro equipo, Ángel Rodríguez.
A noticia foi dada a coñecer este martes polo propio club da Boa Vila, que a través das súas redes sociais quixo mostrar as súas condolencias ao técnico leonés nestes duros momentos.
"Enviamos ao noso adestrador todo o apoio e agarimo da gran familia granate", sinalaron.
Ángel Rodríguez ausentarase dos adestramentos dos próximos días, pero a previsión é que poida estar no banco para o que será o último partido oficial do ano, o vindeiro domingo en Salamanca.