Teresa Portela disputará este martes en Río de Janeiro (14:54 horas en España) a súa quinta final olímpica, na que aspira a subir ao podio e quitarse a espiña de Londres, onde foi cuarta.
A piragüista canguesa ofreceu grandes sensacións nas roldas preliminares do K-1 200 metros.
Na primeira clasificatoria sen empregarse a fondo clasificouse con solvencia para as semifinais, onde cun tempo de 40.241 foi a terceira mellor de entre todas as favoritas.
Foi segunda na terceira semifinal, só superada pola gran candidata ao ouro, a neozelandesa Lisa Carrington (39.561), polo que chegará á loita polas medallas con todas as súas opcións intactas e confianza plena nas súas posibilidades.