Atrás quedan catro tempadas no inferno de Terceira División. Catro longos anos nos que o Pontevedra miraba con envexa unha Segunda División B que tantas veces pareceu pouco pero que rematou botándose de menos. A espera chegou á súa fin. Pasarón volve ser escenario dun partido da categoría de bronce do fútbol español, na que o Pontevedra intentará consolidarse como paso previo cara a metas máis ambiciosas.
O sorteo quixo que para a ocasión o rival sexa un dos aspirantes aos postos altos, o CD Guijuelo (sábado, 20:00 horas), un equipo que chega moi renovado con respecto á tempada anterior, con nada menos que 15 caras novas nas súas filas, situación que contrasta co club granate, que apostou pola continuidade, mantendo precisamente ese mesmo número de 15 xogadores que seguen dos que conseguiron o ascenso.
Ambos os dous equipos debutarán en liga con baixas. Mentres Luisito non poderá contar co goleador da pretempada, Borjas, nin con Anxo, intentando recuperarse dos seus problemas de pube, o cadro salmantino chega sen Antonio Moreno, lesionado no nocello, Rubén Palazuelos, cunha rotura de fibras, e Javi Barrio.
A dose de morbo estará no colexiado encargado de dirixir o partido. Será o asturiano César Ramos Domínguez, que debuta na categoría, tras deixar unha nefasta impresión na afección pontevedresa ao ser encargado de dirixir o partido do play-off de ascenso fronte ao Mensajero, no que tivo unha actuación calamitosa que non obstante non o privou do ascenso.
Os granates realizaron o último adestramento da semana en Pasarón. Fixérono na tarde deste venres, se ben utilizando con moitas limitacións o terreo de xogo, ao usar soamente as bandas para non maltratar un cesped que non se encontra no mellor estado posible, malia recibir intensos coidados durante o verán, como recoñecía Luisito: "El campo no está muy bien y si nos hubiésemos metido en él iba a ser mucho peor y yo lo que quiero es que el campo esté bien para el partido. Por eso hicimos una activación por fuera durante 42 minutos, porque tenemos mucha carga durante la semana, y creo que es suficiente. El equipo llega bien y lo que quiero es que llegue aún mejor".
Luisito: "Estoy convencido de que a nivel nacional se va a hablar mucho de los buenos futbolistas que tiene el Pontevedra"
Optimismo con respecto ao partido inaugural, é a impresión do técnico granate: "Yo creo que llegamos bien. Claro que, como todos los entrenadores, tengo la incertidumbre de saber cómo llega el rival. En cuanto a ritmo, carga de trabajo e ideas llegamos bastante bien, pero vamos a ver qué nos propone el rival, que tiene futbolistas de altísimo nivel. Yo lo que trato de transmitirle a mis futbolistas en que a 30 de junio de 2016 estoy convencido de que a nivel nacional se va a hablar mucho de los buenos futbolistas que tiene el Pontevedra".
Polo que se refire ao Guijuelo, Luisito dixo: "Hace dos temporadas jugó el play-off de ascenso y rindió a muy buen nivel. La temporada pasada estuvo a punto de hacerlo. Firmó a 15 futbolistas que son muy buenos futbolistas y que nosotros no podemos pagar. Institucionalmente están en una dinámica muy buena, pero nosotros también lo estamos. Ellos tienen 15 nuevos y nosotros 15 de la temporada pasada, y eso creo que es una ventaja para nosotros".
Ao tratarse dun partido na casa, o técnico non facilitou lista de convocados, citando á totalidade de xogadores dispoñibles para realizar os descartes minutos antes do partido.