A Real Federación Española de Balonmán sorteou este xoves a primeira rolda da Copa do Rei, na que participan soamente os equipos de División de Honra Prata e o azar deparou un derbi pontevedrés entre Cisne e Teucro para comezar a competición.
Para realizar o sorteo, os equipos foron divididos en dous bombos. Nun, os mellores clasificados da última liga e, no outro, os peores. As eliminatorias resolveranse a partido único na cancha do equipo que pechou a última competición ligueira en peor posición.
A primeira rolda disputarase entre os días 28 e 29 de setembro, quince días despois do inicio oficial da nova tempada na que o Teucro visitará ao Ciudad de Málaga e o Cisne, ao Atlético Novás que adestra Quique Domínguez.
Os outros emparellamentos da primeira rolda da Copa do Rey son os seguintes:
ARS Naranjas Palma del Río - Vestas Alarcos Ciudad Real
Unió Esportiva Sarriá - Conservas Alsur Antequera
Cajasur Córdoba - Blasgon y Bodegas Ceres Villa de Aranda
Cisne Colegio Los Sauces - Condes de Albarei Teucro
Handbol Bordils - Barça 'B'
Acanor Atlético Novás - Ford Alisauto Torrelavega
Amenabar Zarautz - Balonmano Alcobendas
Ciudad de Málaga - Zamora Rutas del Vino