Como serán os equipamentos do Pontevedra Club de Fútbol para a súa estrea en Primeira RFEF é unha dos aspectos que agarda con curiosidade a afección granate.
A entidade de Pasarón garda con receo os detalles das mesmas, coas que cada ano esperan en certa medida sorprender.
O que si se pode asegurar xa é que o Pontevedra prolongará a súa vinculación coa marca deportiva danesa Hummel tanto para o primeiro equipo como para as súas categorías inferiores.
Será por tanto a cuarta tempada consecutiva que vestirá coa mesma marca de roupa, que aterrou na casa granate na campaña 2019/2020 tras varios anos vestindo 'Joma'.
Ademais da elástica tradicional granate, nos próximos días está previsto dar a coñecer a roupa de adestramento que utilizarán os futbolistas, así como o segundo equipamento, o relativo aos porteiros e o resto de roupa deportiva.
Nestes anos a segunda camiseta estivo protagonizada polo clolor azul, primeiro cunha peza celeste e despois cun ton máis escuro, mentres que a roupa de adestramento o pasado curso mesturou o rosa co granate. Producirase esta campaña un cambio importante? En só uns días a afección do Pontevedra sairá de dúbidas.