Aínda que a súa saída da disciplina granate dábase por feita, non foi ata este luns cando o Pontevedra CF confirmou oficialmente a baixa do lateral esquerdo Javier Hermelo.
O de Cangas finalizaba contrato este mes de xuño e o Pontevedra optou por non renovalo.
"Moitas grazas polo teu compromiso e profesionalidade", sinalou o Pontevedra a través das súas redes sociais, que lle desexou ao xogador "moita sorte na túa nova etapa".
Hermelo, de 23 anos, pecha así a súa etapa como xogador granate despois dunha única tempada.
Chegou a Pasarón procedente do Teruel e, ao longo desta tempada, xogou tan só oito partidos, dous deles como titular. Foi autor dun único gol.