Último movemento estival do Poio Pescamar, que dá por pechado o seu plantel e xa se centra exclusivamente en chegar nas mellores condicións posibles ao comezo de liga.
O conxunto conserveiro fixo oficial a renovación de Agostina Chiesa.
A internacional arxentina, de 33 anos, cumprirá desta forma a súa terceira campaña consecutiva na Seca, do mesmo xeito que a súa compañeira Julia Dupuy.
O pasado curso Chiesa foi unha das pezas importantes do Poio Pescamar, anotando cinco goles desde a súa posición de á.
Coas súas dúas futbolistas arxentinas, últimas en confirmar a súa continuidade, o cadro vermello afrontará a tempada con 13 xogadoras nun plantel renovado, na que tamén continúan Anna Escribano, Martita, Irene García, Dani Sousa e Luci Gómez e ao que chegaron como fichadas Marta Peñalver, Rocío Gómez, Sandra Buzón, Elena Aragón, Laura Uña e Elena González.