Lupe Murillo foi reelixida como presidenta do Consello de Administración do Pontevedra Club de Fútbol.
O órgano directivo do club granate reuniuse á primeira hora da tarde do martes no Estadio Municipal de Pasarón, tras renovar Murillo o seu asento como conselleira na recente Xunta de Accionistas da entidade polo próximos cinco anos.
Tratábase dun paso obrigado, tendo en conta que o Consello quedou sen presidente ao finalizar o anterior mandato, e ese era o motivo principal da reunión.
A pesar da presenza no mesmo de tres membros do grupo opositor á súa xestión, Murillo fixo valer os seus maiores apoios para saír reelixida como máxima dirixente da entidade.
Lupe Murillo, na súa intervención ante os accionistas o pasado día 12 de abril, avanzou que "aínda queda moito por facer" no seu proxecto para o club, reafirmando o seu compromiso de que "xamais deixarei un euro máis de débeda do que me atopei".