Representantes dun centenar de clubs de Pontevedra reuníronse esta tarde no Pavillón Municipal co concelleiro de Deportes, Tino Fernández, para recibir explicacións sobre as medidas adoptadas por este departamento para a resolución dos pagos das subvencións anuais e incrementar as axudas por neno nas escolas deportivas.
O edil aproveitou o encontro para tomar nota das inquietudes dos participantes e garantirlles o "estudo de fórmulas que permitan axilizar ao máximo os procedementos para o pago das próximas subvencións". Fernández lembroulles que nos primeiros cen días á fronte da concellería conseguiron desbloquear 600.000 euros relativos ás axudas do 2017 e 2018. Ademais, os equipos teñen de marxe ata o 2 de outubro para solicitar as axudas da tempada anterior.
Outro aspecto tratado na reunión foi o récord de 2.000 preinscricións alcanzadas para o presente curso das escolas deportivas municipais. Estas listaxes permanecerán expostos no taboleiro de anuncios do pavillón e na páxina de Facebook Deportes Pontevedra.