Primeiro test de pretemporada aprobado para o Club Cisne con vitoria ante o Povoa AC Portugués por 31-28.
O cadro branco dominou o partido en todo momento, chegando mesmo a colocarse cunha renda de sete tantos de vantaxe. Xa que o resultado era o de menos, o técnico aproveitou para dar minutos a todos os xogadores, destacando especialmente o debut dos xuvenís Pedro, Manu Lorenzo e Xoan.
Sobresaíu tamén a actuación de Franzini en portería cun 50% en paradas, e o ataque de Javiva (sete goles de oito lanzamentos) e de Mateo Arias (cinco goles de oito intentos). Tamén Etayo estreouse como goleador cisneísta con tres tantos e un 100% de efectividade.
Pola súa banda, á cita faltaron Carlos Pombo, que ten unha escordadura no nocello; e Iván Calvo, que se ausentou por un problema persoal.
O seguinte compromiso do Cisne será un triangular a próxima fin de semana no que coincidirá co Ademar León, para seguir despois coaSupercopa Galicia ante o Cangas (27 de agosto) e o Atlético Novás (30 de agosto). Tamén está previsto un último partido, aínda por pechar, o día 2 de setembro.