Continúan as despedidas no Pontevedra CF. Antón Vázquez, xogador que estaba entre o filial e o primeiro equipo do club granate, despídese en redes "de mi familia a la que llevo unido desde hace seis años".
O canteirán de 21 anos di adeus despois de ter xogado a última campaña 19 partidos de liga co filial en Preferente e dous no primeiro equipo, debutando na Segunda B contra o Sporting B na xornada 22 e repetindo contra o Atlético Baleares na xornada 24.
O que podía ser un dos sub-23 do primeiro equipo para esta tempada, finalmente seguirá outro camiño que o afasta do club, aínda que espera "que esto no sea un adiós, sino un hasta luego" e poida regresar ás filas granates nalgún momento.