Tres días de intenso baloncesto esperan a Pontevedra durante os próximos sábado, domingo e luns.
Por un lado a Federación Española de Baloncesto instalará na cidade durante a fin de semana o seu 'Road Show' para promover o Campionato do Mundo do próximo verán.
Así a Praza de España acollerá a montaxe de pistas de baloncesto e toda a infraestrutura para unhas actividades que incluirán un torneo na rúa ou clinics impartidos polo ex-xogador Fernando Romay.
Como complemento o Club Baloncesto Arxil continuará coas actividades o luns coa décimo terceira edición do Día do Baloncesto, coa participación de numerosos centros escolares no torneo de 3x3 que se disputará na Avenida Monteiro Ríos.