O mal inicio de tempada levantou ata tal punto as alarmas do Club de Baloncesto Arxil que moveu ficha sen perder máis tempo para reforzar ao equipo.
O club pontevedrés presentou este mércores á inglesa Chantelle Pressley, ala-pívot de 28 anos e internacional polo seu país coa que espera aumentar as súas opcións de saír do pozo.
Actualmente, as verdes suman 1 vitoria e 8 derrotas na Liga Feminina 2 que lle colocaron en descenso, pero atópanse a só un triunfo de distancia da zona de salvación.
Pressley, que vén de clasificarse en novembro coa súa selección para o próximo Eurobasket, asegurou estar "ansiosa porque chegue o sábado" para poder debutar co equipo no difícil compromiso que lle enfrontará no CGTD ao segundo clasificado, o Ardoi.
"Estou lista para xogar", confirmou a británica no acto de presentación celebrado en Viaxes Rascado, onde recoñeceu a boa impresión que lle causaron as súas compañeiras e adestradora e onde explicou as referencias que compañeiras no combinado nacional déronlle sobre o nivel da LF2.