Arosa e SD Compostela mediron forzas este sábado no Vero Boquete de San Lázaro con motivo da preparación da nova campaña 21/22. Adiantouse moi pronto o equipo vilagarcián cun gol de Javi Fontán, pasando a traballar defensivamente para aguantar o resultado, pero aos dez minutos para a conclusión os locais empataron por mediación de Roque.
Adiantouse o conxunto arlequinado os tres minutos cun cabezazo de Javi Fontán, que rematou á escuadra a saída dun córner sacado por Mon. Pasou a dominar o Arosa, polo menos durante os primeiros instantes, con Mon e Diego Diz realizando boas transicións que se traduciron nos minutos de mellor xogo do seu equipo.
Pero cando se alcanzaba a media hora de xogo, o Compostela foi o que pasou a dominar, axexando a portería dun Álex Cobo que tivo que intervir en varias ocasións para evitar o gol santiagués.
Tras o descanso chegaron os cambios que deron aire fresco aos locais, que melloraron e obrigaron ao Arosa a xuntar liñas para aguantar o resultado da mellor maneira posible.
Polo menos así foi ata o minuto 80 de xogo, cando o Compos igualou o encontro. Nun centro bombeado desde a banda esquerda e que Cobo non foi capaz de atallar. Roque, o máis listo nese momento, aproveitou o balón que quedou solto para rematar de cabeza á rede e sentenciar o 1-1.
SD COMPOSTELA (1): Borja Rey, Saro, Álvaro Casas, Baleato, Rafa Mella, Josiño, Jimmy, Samu, Pablo Durán, Fer Beltrán e Salgado. Tamén xogaron: Guille Torres, Roque, Parapar, Pablo Antas, Primo, Jordan e Alfonso.
AROSA SC (1): Álex Cobo, Javi Fontán, Cotilla, Pedro García, Campillo, Mon, Diego Diz, Julio Rey, Luís Nuño, Pablo Porrúa e Luismi. Tamén xogaron: Ross, Róber, Pedro Beda, Migui, Álex e Álvaro Denis.
Goles: 0-1 Javi Fontán ( min. 3); 1-1 Roque ( min. 79).