O ascenso do Pontevedra Club de Fútbol a Segunda División B pasa por Canarias, concretamente pola illa de La Palma.
O sorteo celebrado este luns na Cidade do Fútbol de Las Rozas emparellou aos granates co Club Deportivo Mensajero na eliminatoria de campións.
Neste quedou establecido que o primeiro partido se diputará o próximo domingo 24 de maio en Canarias e a volta, unha semana despois, no Estadio Municipal de Pasarón.
O Mensajero resultou campión do Grupo 12 con 71 puntos, tras sumar 20 triunfos, 11 empates e 7 derrotas ao longo da tempada regular.
O gañador da eliminatoria ascenderá directamente a Segunda B e o perdedor contará cunha segunda oportunidade debendo superar dous novos cruzamentos.
Os demais emparellamentos de play-off con equipos galegos son: Durango-Deportivo B, Logroñés-Cerceda e Choco-Extremadura.