O xurado dos premios da Gala do Deporte do 2022 de Marín reuniuse este xoves para elixir os gañadores das dez categorías que premian cada ano.
Os mellores deportistas foron os taekwondistas do Mat's Iván García e Arlet Ortiz nas categorías masculina e feminina, respectivamente.
Na modalidade de novo deportista, os distinguidos son o taekwondista Sergio Troitiño (Mat's) e a ciclista Lorena Patiño (XSM e Pinarium). Mentres que o mellor veterano é José Montenegro, do Moto Bike.
Na categoría de mellor adestrador, o galardón será colectivo este ano e recaerá no equipo técnico do Team Thunder.
O Marín Futsal resultou ser elixido o mellor club do municipio e o mellor evento, o Torneo Internacional Tucho da Torre que organiza a Escola de Fútbol Villa de Marín.
O premio á inclusividade recaerá este ano en Nagore Otero, do Pinarium. E o mellor patrocinador lévallo a empresa Lirón, principal espónsor do Teucro.