Entre os días 5 e 15 de setembro celebrouse en Venecia, Italia, o Campionato de Europa Máster no que participou Manuel Hurtado, único atleta da Sociedade Ximnástica de Pontevedra que se logrou clasificar para a competición.
O lucense empezou a súa participación o venres 13 nos 5000 metros lisos da categoría M35. O atleta ximnástico chegou a meta na segunda posición cun tempo de 15:48.55. O pódium completárono o portugués Nelson Oliveira, que foi o primeiro clasificado, e o alemán Sebastian Harz, que quedou de terceiro.
O domingo 15, Hurtado volveu subirse ao pódium. Cun tempo de 1 h:09:53, o atleta alcanzou a meta do Media Maratón, novamente, en segundo lugar. Esta vez, acompañáronlle no pódium o italiano Salvatore Gambino, que quedou primeiro, e o portugués Nelson Oliveira, que foi terceiro.
Con estas medallas de prata, 'Huracán' Hurtado pecha a tempada ao grande.