Triunfo de relumbrón para Lydia Pérez Touriño nos Xogos do Mediterráneo que se están disputado na localidade grega de Heraklion (Grecia).
A deportista pontevedresa conseguiu facerse coa medalla de ouro na modalidade de loita praia, en categoría de -70 quilos.
No seu primeiro combate Lydia estreouse con vitoria fronte á que posteriormente sería tamén o seu rival na gran final, a francesa Manon Kury, liquidando sen erros a fase de grupos con outros dous resultados positivos contra a local Agoro Papavasileou (1-0) e a italiana Bianca Contrafatto (3-0).
Xa en semifinais, a representante do Club Loita Pontevedra superou á grega Lygeri-Athanasia Voulgary por un axustado 1-0, chegando á pelexa polo título que se saldou cun contundente 5-0 ante Manon Kury.
Tras este gran resuñtado Lydia Pérez Touriño énchese de moral para o seu gran reto da tempada, o Mundial de Loita de Belgrado, clasificatorio para os Xogos Olímpicos, e que aparece xa no horizonte este mesmo mes de setembro.