Non está a ser unha semana sinxela para o Pontevedra Club de Fútbol, cuxos futbolistas están a acusar a esixencia dun play-off no que disputaron catro partidos ao máximo nivel con dúas prórrogas incluídas.
Moitos minutos que provocaron varios problemas físicos en futbolistas importantes, o que mantén a Luisito pendente da enfermaría.
O técnico sabe que contará en La Rioja coas baixas seguras por sanción de Jacobo e Kevin, pero confía en recuperar o resto de xogadores tocados, a excepción de Bruno Rivada que segue recuperándose da lesión muscular que se produciu en La Palma.
Un dos casos que máis preocupa ao cuarpo técnico é o de Pablo Carnero, con molestias nun xeonllo. O dianteiro, que neste play-off actuou moi minguado na volta ante o Mensajero e a ida en Manzanares, evolucionou favorablemente e aínda que persiste algo de dor na zona reincorporouse ao traballo co grupo tras ausentarse nos primeiros adestramentos da semana.
Tamén melloraron Jorge Rodríguez e Tubo e con iso subiron as súas opcións de estar no once inicial.
Ademais Benja e Adrián Gómez subiron a intensidade dos adestramentos traballando co grupo unha vez superadas as súas respectivas lesións musculares e póñense a disposición do seu adestrador.
Con todo, a incógnita se manterá ata o día do partido, xa que Luisito ten previsto que viaxe todo o plantel e esperar ata última hora para confirmar a convocatoria.
COMPLETO O SEGUNDO AUTOCAR DE AFECCIONADOS
O Pontevedra estará arroupado en Haro por polo menos dous centenares de afeccionados. É a previsión que se manexa tras completar o segundo autocar de siareiros na viaxe organizada polo club granate e polos seguidores que cheguen á Rioxa en coches particulares, como xa aconteceu en Manzanares.