Catro xornadas restan para a conclusión da Liga Asobal, pero os equipos empezan xa a moverse para planificar a próxima tempada.
Nese sentido o Ademar de León volveu a poñer os seus ollos en Pontevedra e no Club Cisne.
Ademais do extremo pontevedrés Carlos Álvarez, que proseguirá a súa prometedora carreira en León, outro compañeiro no actual persoal cisneísta comprometeuse co club leonés.
Trátase do gardameta canario Kilian Ramírez, poñendo así fin a dous anos en Pontevedra, cidade á que chegou primeiro para militar no Teucro en División de Honra Prata pasando no verán ao Cisne co reto de xogar na máxima categoría.
A pesar da complicada situación en liga Kilian foi ata a data uno dos xogadores destacados da tempada no equipo adestrado por Javier Márquez, o que lle valeu para dar o salto ao Ademar cun contrato que, todo apunta, será de dúas tempadas de duración.
O porteiro seguirá defendendo a meta do Cisne ata final de curso coa misión de seguir pelexando, mentres as matemáticas o permitan, por unha permanencia xa case imposible.