Os irmáns Chamosa seguen pisando forte alá por onde van.
Antía alzouse coa medalla de ouro e o seu irmán Daniel co bronce no Nacional de 20 quilómetros marcha que se disputou na localidade murciana de San Pedro del Pinatar.
A atleta pontevedresa dominou a proba desde os primeiros quilómetros, deixando atrás a Paula Juánrez e Raquel González, quen foron incapaces de seguirlle o ritmo.
Cun tempo de 1:27:55, a deportista da Sociedad Gimnástica superou en máis de dous minutos a Juánrez (1:30:05) e en case catro a González (1:31:20), unha marca que lle outorga o billete para o Campionato do Mundo de Tokio, que se celebrará en setembro.
Este rexistro supón o mellor tempo galego da historia, quinta mellor marca mundial do ano e líder europea do ano.
E aínda por riba, o seu irmán Daniel fíxose coa medalla de bronce na proba masculina.
Tras conseguir manterse durante a primeira metade da proba entre os favoritos, subiu ao terceiro caixón cun crono de de 1:21:49. O ouro foi para Iván López (1:21:22) e a prata para Miguel Ángel López (1:21:32).
Consulta todos os resultados neste enlace