O Poio Pescamar mete a directa na planificación da próxima tempada, na que o seu plantel sufrirá unha importante remodelación.
O club conserveiro confirmou este luns a súa segunda renovación, a de Irene García.
A xogadora valisoletana, aos seus 22 anos, cumprirá desta forma a súa quinta campaña na Seca, tempo no que foi progresando e gañando peso no equipo.
De feito no curso recentemente finalizado alternou titularidade na posición de peche coa brasileira Jane achegando cinco goles en liga.
Irene súmase a Luci Gómez na lista de renovacións, sendo a sétima peza confirmada para o novo proxecto deportivo que dirixirá desde o banco Luís López-Tulla, xunto ás fichadas Rocío Gómez, Sandra Buzón, Elena Aragón, Laura Uña e Elena González.