Con só 18 anos converteuse en "la mejor promesa del ciclismo español", recoñeceu o seu director, Evaristo Portela.
Martín Bouzas, ciclista do Grupo Deportivo Supermercados Froiz, recibiu este xoves a homenaxe da Deputación de Pontevedra despois da súa gran tempada, na que se proclamou campión de España Sub-23 contrarreloxo no seu primeiro ano na categoría e na que chamou a atención dos grandes equipos do pelotó internacional.
"Todos los equipos, desde Movistar o Trek, lo quieren llevar", recoñece Portela. De feito co segundo puido gozar dunha concentración de grandes talentos internacionais coa que demostraron que lle seguen de preto.
A pesar diso "de momento ha apostado por el Froiz, no moverse y crecer dos o tres añitos con nosotros", sinala orgulloso o seu director despois dunha tempada marcada polas caídas que lles impediron loitar por algúns dos seus grandes obxectivos.
Bouzas mostrouse agradecido polo recibimento e polo apoio que presta a institución provincial ao seu equipo e que lle permite "viajar cada semana por España y estar en las grandes carreras".
O ciclista galego aproveitou o acto para entregarlle unha réplica do seu maillot de campión de España sub-23 á presidenta provincial, Carmela Silva.