O balance non pode ser máis positivo para o Club Bádminton Ravachol Pontevedra tras o seu primeiro ano de competición.
Os éxitos logrados polo club pontevedrés nos últimos meses motivaron este venres unha recepción oficial por parte do alcalde, Miguel Anxo Fernández Lores, e a concelleira de Deportes, Anxos Riveiro.
Á cita acudiron varios dos deportistas do club e tamén Jesús Pereiro, presidente da entidade.
Ademais de medallas en competicións de ámbito autonómico, o Ravachol Pontevedra logrou subir ao podio nalgunha competición de ámbito nacional e, sobre todo, conseguiu o seu gran obxectivo do ano ao ascender á Primeira División Nacional.