Aos poucos o calendario da tempada de Javier Gómez Noya vai tomando forma.
Tras debutar esta tempada con vitoria no Ironman 70.3 de Geelong, Australia, o que supuxo a clasificación para o Mundial da especialidade, agora confírmase unha nova competición, no que supoñerá o seu regreso un ano e medio despois ao calendario da Federación Internacional de Tríatlon (ITU).
O campionísimo galego aparace na lista de inscritos da Copa do Mundo de New Plymouth, Nova Zelandia, que se disputará o día 31 de marzo.
Gómez Noya, que está a realizar boa parte das súas preparación este curso no país oceánico, buscará nesta competición, baixo distancia sprint, probarse para a súa anunciada volta ás Series Mundiais, que previsiblemente terá lugar o 27 de abril en Bermuda.
Tras a cita coas Series Mundiais aparece marcado en vermello tamén o Mundial de Longa Distancia de Pontevedra, que se disputará o sábado 4 de maio e no que xa confirmou a súa presenza.