Non estivo na final das series mundiais de Hamburgo, pero o triatleta Javier Gómez Noya segue sumando quilómetros e competicións neste atípico 2020 co obxectivo de seguir puíndo o seu estado de forma de fronte ao decisivo 2021 cos Xogos Olímpicos de Tokyo como principal obxectivo. O pentacampeón do mundo participou esta fin de semana no tritalón Ciudad de Santander, unha proba de distancia olímpica na que se fixo coa vitoria e que empregou como test preparatorio para o Campionato de España de Media Distancia que se celebrará o 26 de setembro en Bilbao.
"Buen día hoy en el Triatlón Ciudad de Santander. Me sentí bien en este olímpico sin drafting, un buen entrenamiento para mi siguiente carrera, que será sin drafting también", compartiu o deportista nas súas redes sociais un día despois de subirse todo o máis alto do podio na cidade cántabra.
Con todo, a vitoria do triatleta afincado en Pontevedra quedou deslucida por un desencontro entre a Federación Española de Tríatlon e a organización da proba pola falta das suficientes medidas de seguridade á hora de planificar o evento.
"Nuestra federación deportiva ha venido trabajando activamente las últimas semanas y meses para establecer un correcto marco de regreso a las competiciones en base a los protocolos y recomendaciones marcados por las autoridades sanitarias. Desde la FETRI se ha podido comprobar la organización de la prueba de triatlón celebrada en Santander el 13 de septiembre de 2020, que no ha llevado a cabo la implementación y aplicación de las medidas que nuestros protocolos propios tienen establecidos", recolle un comunicado emitido pola Federación Española de Tríatlon.
"No cabe duda de que la celebración de pruebas que no sean rigurosas y estrictas en la implementación y cumplimento de los citados protocolos, acaba por perjudicarnos a todas las entidades y estamentos de nuestro deporte", engaden antes de concluír que "desde la FETRI queremos desmarcarnos y denunciar públicamente la celebración de cualquier prueba deportiva de nuestra modalidad que sea ajena o incumpla los protocolos".
Con todo, desde a organización da proba publicaran días antes da celebración da carreira que a Dirección Xeral de Saúde de Cantabria xa autorizara o seu particular protocolo para a celebración dunha proba na que, ao contrario do que ocorreu no Campionato de España de Tríatlon Sprint celebrado en agosto en Pontevedra, 300 participantes tomaron a saída de forma simultánea e sen respectar distancias de seguridade.
NACIONAL DE MEDIA DISTANCIA
A próxima competición na que competirá o pentacampeón do mundo Javier Gómez Noya será o 26 de setembro en Bilbao, onde se celebrará o Campionato de España de Media Distancia con, esta vez si, todas as garantías de hixiene e seguridade contempladas no protocolo da Federación Española de Tríatlon.
O triatleta ferrolán buscará un novo triunfo nun circuíto no que terá que completar 1,9 quilómetros a nado, 90 quilómetros en bicicleta e 21 quilómetros a pé.